245. indi fikir verirəm, son vaxtlarkı sözlük fəaliyyətim sadəcə şəkil paylaşmaqdan ibarət olub. kiməsə nəsə danışmaq, açıqlama vermək, nəsə haqqında söhbət etmək axır vaxtlar heç normal gəlmir mənə. kənardan soyuq kimi görünməyə başlamışam yenə. gün içində minimum 5 6 dəfə "yaxşısan? nəsə olub?" sualları ilə qarşılaşıram. ilin sonları mənə heç yaxşı hisslər keçirməyə imkan vermir. ciddi dəyişikliklər yaşadım həyatımda. necə deyərlər yeni bir səhifədə başdan başladım. di gəl nə köhnə vincentdən əl çəkə bilirəm, nə də təzəsinə öyrəşə bilirəm. ediləcək tonla iş var, baxılası dərslər, ediləsi işlər, yazılar filan. amma bir işə başlayanda nə qədər vaxt olur bilmirəm heç özümdə, bir də görürəm bayaqdan nəyəsə gözümü zilləyib baxırammış. boşluğu izləyirəmmiş. ağlımda yüzlərcə səs var ama nə dediklərini belə eşitmirəm. addımını planlayıb, günü dəqiqə dəqiqə hissələrə bölərək yaşayan mən, indi nə vaxt səhər açıldı, nə vaxt axşam oldu heçnədən xəbərim olmadan yaşayıram. günlərimin rutin halında olmasını sevirdim düzü, belə olduqda planlar da yolunda gedirdi, dəyişikliklərə öyrəşməli də olmurdum. amma son vaxtlardaki rutin yaşamaq nəsə boğmağa başlıyıb. başlıyıb deyəndə hardasa 3-4 aydı bu vəziyyət yaranıb. heçnəyə qarşı həvəs qalmayıb içimdə. normalda cıvıl cıvıl, deyib gülən, ən ağıryana ortamlarda belə hamının üzünü güldürməyi bacarırdım. indi nəsə özüm elə olmuşam ki eləbil 50 60 il rahat yaşamışam, yerdə qalan 3 4 ilin qutarmasını gözlüyürəm. təsir eləyən odu ki, belə olduğumu görən bircə nəfər belə adam balası kimi dəstək olmağı istəmir. onların düşüncəsinə görə mən yekəxana olmuşam, saymaz olmuşam, pis olan nə varsa mənə görədi, mən eləmişəm. elə düz əməlli dostluq münasibətim var deyim, yox təəssüf ki o qədər səmimi üzümü görən adam yoxdu. adam istiyr dərdini açıb mamaynan danışsın, zalımın qızı eləbil bunu gözlüyürmüş kimi onun da günahkarı sənsən, bunun da səbəbi sənsən deyə deyə peşman eliyir adamı. dəstək olmağı fikirləşən bircə adam belə yoxdu. ama qınamalı da deyil, mən də bilmirəm mənə nə olub. xeyli vaxt olar bu qədər fikri ard arda dizginliyib özümə açıqlamırdım. nəysə belə belə işlər